મોરબી : મકનસર નજીક સગર્ભા માટે ઇમરજન્સી કોલ આવતા 108ની ટિમ દોડી ગઈ હતી. જો કે હોસ્પિટલમાં પહોંચતા પહેલા જ 108ની અંદર સગર્ભાની સફળ ડિલિવરી થઈ હતી.
પ્રાપ્ત વિગતો અનુસાર મકનસર નજીક સિરામિક એકમમાંથી સાયરાબેન અંતરસિલભાઈ નામના સગર્ભા મહિલાને દુખાવો ઉપડતા સાંજે 5:44 વાગ્યે 108ને કોલ આવ્યો હતો. 108ની ટીમ તાત્કાલિક સ્થળ ઉપર પહોંચી સગર્ભાને લઈને હોસ્પિટલ આવતી હતી. ત્યારે રસ્તામાં ડિલિવરીનો વધુ દુખાવો ઉપડયો હતો. જેમાં બાળકનો હાથ પહેલા આવેલ હતો. બાળક ઉલટું જોવા મળેલ હતી. જેની બ્રિચડીલેવરીકરાવેલ હતી. ડો. વિશાલના માર્ગદર્શન હેઠળ ઇએમટી પ્રવીણ મેર અને પાઇલોટ રણજીતભાઈએ આ ડિલિવરી કરાવી હતી. બાદમાં માતા અને બાળકને સિવિલ હોસ્પિટલમાં એડમિટ કર્યા હતા.
