ટંકારાના સરાયા ગામે જમીન બાબતે મારામારી

મોરબી : ટંકારા તાલુકાના સરાયા ગામે રેવન્યુ સર્વે નંબર 2 પૈકી 26ની જમીન અબ્દુલભાઇ અભરામભાઈ કૈડાના પિતાજીના નામે આવેલી હોય ગત તા.29ના રોજ ફરિયાદી અબ્દુલભાઇ આ જમીનની સાફ સફાઈ કરતા હોય આરોપી અબ્દુલ જુમાભાઈ કૈડા, વસીમ અબ્દુલભાઇ કૈડા, દિલાવરભાઈ જુસબભાઈ કૈડા અને દિલાવરભાઈના દીકરાઓ જમીન ઉપર આવ્યા હતા અને આ જમીન બાબતે મોરબી કોર્ટમાં સિવિલ કેસ ચાલુ હોય તમે કેમ સાફ સફાઈ કરો છો કહી ઝઘડો કરી છરીના ઘા ઝીકી દીધા હતા. બનાવ સમયે ફરિયાદીના ભાઈ સલીમભાઈ પણ હાજર હોય આરોપીઓએ સલીમભાઈને પણ છરી મારી ઇજાઓ પહોંચાડતા બનાવ અંગે ટંકારા પોલીસ મથકમાં ફરિયાદ નોંધાવવામાં આવી હતી.