હળવદ શહેરમાં સરકારી જગ્યા પર દબાણ કરી ગેરકાયદે ચાલતા માંસ મટનના હાટડા તાત્કાલિક ધોરણે બંધ કરાવવા નગરપાલિકાના ચીફ ઓફિસરને રજૂઆત કરવામાં આવી છે
હળવદ અસ્મિતા મંચ દ્વારા નગરપાલિકાના ચીફ ઓફિસરને રજૂઆત કરી જણાવ્યું છે કે હળવદ શહેર છોટા કશી તરીકે જગ વિખ્યાત છે હળવદ શહેરની સ્થાપનાથી અત્યાર સુધી કોઈપણ જાહેર સ્થળે માંસ મટનની લારીમાં માંસાહારનું વેચાણ થતું નથી છેલ્લા થોડાક વર્ષોથી હળવદના અનેક વિસ્તારમાં ગેરકાયદેસર રીતે સરકારના સંબંધિત વિભાગની કોઈપણ પ્રકારની મંજુરી વગર માંસાહારનું વેચાણ સરકારી જગ્યા પર અનઅધિકૃત રીતે કબજો કરી થઇ રહ્યું છે શહેરના રેલ્વે સ્ટેશન રોડ પર મરઘીના ઈંડા રોડ પર ફેંક્યા હતા
અને ૨ દિવસ પૂર્વે હળવદની બજારમાં સંગીતા પાન પાસે કોઈ પશુના માંસના ટુકડા જાહેર રોડ પર ફેંકી અને જાહેર આરોગ્ય સાથે ચેડા કરી લોકોની લાગણી દુભાઈ તેવું કૃત્ય કરવામાં આવ્યું છે જેથી ગેરકાયદે ધમધમતા માંસાહારના હાટડા તાત્કાલિક ધોરણે બંધ કરવામાં આવે અને સરકારી જગ્યા પર દબાણ કરીને ગેરકાયદે પ્રવૃત્તિ કરનાર વિરુદ્ધ કાર્યવાહી કરવા માંગ કરી છે
