હળવદ : મોડી રાત્રે હળવદ તાલુકાના દેવળીયા ગામ નજીક ખાનગી બસને અકસ્માત નડ્યો છે. ગાંધીનગરથી ભુજ જતી ખાનગી બસ પલટી જતાં 9 જેટલા મુસાફરોને ઈજા પહોંચી છે. મળતી માહિતી પ્રમાણે મોડી રાત્રે 1-30 વાગ્યાની આસપાસ દેવળીયા પાસેથી પસાર થઈ રહેલી ગાંધીનગરથી ભુજ જતી ખાનગી બસના ચાલકે સ્ટીયરિંગ પરથી કાબુ ગુમાવતા બસ પલટી મારી ગઈ હતી. જેના કારણે બસમાં સવાર 9 લોકો ઈજાગ્રસ્ત થયા હતા. ઈજાગ્રસ્તોને તાત્કાલિક એમ્બ્યુલન્સ મારફતે મોરબી સિવિલ હોસ્પિટલમાં સારવાર માટે ખસેડવામાં આવ્યા હતા.
