અખિલ ભારતીય મુલ્કી સેવા કુસ્તી સ્પર્ધામાં મોરબી જિલ્લા યુવા વિકાસ અઘિકારીશ્રીએ રજત ચંદ્રક મેળવ્યો
મોરબી: પૂણે-મહારાષ્ટ્ર ખાતે ઓલ ઇન્ડિયા સિવિલ સર્વિસ કુસ્તી સ્પર્ધા ૨૦૨૪-૨૫ ગત તારીખ ૧૮/૦૨/૨૦૨૫ ના રોજ યોજાઈ હતી. જેમાં મહિલા વિભાગમાં ૫૩ કિલોગ્રામ વેઇટ કેટેગરીમાં શ્રીમતી હીરલ અમિત વ્યાસ જિલ્લા યુવા વિકાસ અધિકારી, મોરબીએ રજત ચંદ્રક પ્રાપ્ત કરીને ગુજરાતમાં ઇતિહાસ રચ્યો છે. આ તકે શ્રીમતી હીરલબેન વ્યાસે મેનેજરશ્રી એમ.ઝેડ.વાઘેલા, તમામ ટીમ મેમ્બર્સ, યુવક સેવા અને સાંસ્કૃતિક પ્રવૃત્તિઓ ગાંધીનગરના કમિશનરશ્રી આલોક કુમાર પાંડેજી તથા જીએડી ગાંધીનગરના તમામ સ્ટાફનો આભાર વ્યક્ત કર્યો છે.
