મોરબી: કચ્છ લોકસભા પરિવાર તેમજ સમાજ નવ નિર્માણ ટ્રસ્ટ-ભુજ દ્વારા સાંસદ ઓપન કચ્છ ડે-નાઈટ સાંસદ ક્રિકેટ ટુર્નામેન્ટ સીઝન-3 આયોજીત કરવામાં આવેલ છે. જેના સૌજન્ય સમાજ નવ નિર્માણ ટ્રસ્ટ દ્વારા આયોજક કચ્છનાં સાંસદ અને ગુજરાત પ્રદેશ ભાજપ મહામંત્રી વિનોદભાઇ ચાવડાએ જણાવ્યું હતું કે આ ટુર્નામેન્ટ માં કચ્છ-મોરબી-માળીયા લોકસભા ક્ષેત્રમાં આવતાં ખેલાડીઓ ભાગ લેશે. જયુબિલી ગ્રાઉન્ડ ખાતે આવતીકાલે તા.6 માર્ચના સાંજે 6 કલાક થી પ્રારંભ થતી આ ટુર્નામેંટ ૩ માસ થી વધુ સમય ચાલશે જેમાં 500 થી વધુ ટીમો ભાગ લેશે. આ કાર્યક્રમ માં કચ્છ જીલ્લાના જન પ્રતિનિધિઓ-અધિકારી-પદાધિકારીઓ ઉપસ્થિત રહી ખેલાડીઓને પ્રોત્સાહન આપશે. ખેલાડીઓનો ઉત્સાહ વધારવા ખેલ રસિકોને ટુર્નામેન્ટ દરમ્યાન ઉપસ્થિત રહેવા સાંસદ વિનોદભાઇ ચાવડા તથા સમાજ નવ નિર્માણ ટ્રસ્ટે જણાવ્યું હતું.
