આપણા ઘર, દુકાન, કારખાના, ઓફિસ સહિતના સ્થળે બ્લેક આઉટ- સંપૂર્ણ અંધારપટ કરી સુરક્ષા અને સલામતીના પગલામાં સહભાગી બનીએ. યુદ્ધ કે આકસ્મિક પરિસ્થિતિમાં કોઈ અનિચ્છિય બનવા પામે તે માટે સુરક્ષા અને સલામતી માટે સિવિલ ડિફેન્સમાં સહભાગી બની આજે રાત્રે ૦૭:૪૫ થી ૦૮:૧૫ દરમિયાન ૩૦ મિનીટ બ્લેકઆઉટ- અંધારપટમાં સમગ્ર વાંકાનેર શહેર અને તાલુકાનાં નાગરિકોને સ્વયંભૂ જોડાવવા વાંકાનેર ધારાસભ્ય શ્રી જીતુભાઈ સોમાણી દ્વારા અનુરોધ કરવામાં આવ્યો છે.
બ્લેકઆઉટ એ યુદ્ધ સમયની રણનીતિ છે. બ્લેકઆઉટ ઘરો, ફેક્ટરીઓ, દુકાનો અને વાહનોની લાઇટિંગને નિયંત્રિત કરે છે, જેમાં બારીઓ ઢાંકવી અને સ્ટ્રીટ લાઇટ બંધ કરવી વગેરેનો સમાવેશ થાય છે. યુદ્ધ સમયની મહત્વની આ રણનીતિમાં કૃત્રિમ પ્રકાશને ઓછામાં ઓછો કરવામાં આવે છે જેથી દુશ્મન વિમાનો કે સબમરીનને લક્ષ્ય શોધવામાં મુશ્કેલીનો સામનો કરવો પડે. જેના પગલે વાંકાનેર વિસ્તારમાં રાત્રે ૦૭:૪૫ થી ૦૮:૧૫ દરમિયાન આપના ઘર ઓફિસની લાઈટો બંધ કરવા તથા પ્રકાશ ઉત્પન્ન કરે એવા કોઇ પણ ઉપકરણોનો ઉપયોગ ન કરવા માટે અનુરોધ કરવામાં આવે છે.
