મોરબી : મોરબી શહેરના લાતીપ્લોટ વિસ્તારમાં આવેલ સાવરના તળાવ કાંઠેથી સીટી એ ડિવિઝન પોલીસે બાતમીને આધારે વિદેશી દારૂ અને બિયરનો જથ્થો રેઢી હાલતમાં ઝડપી લઈ દારૂ બિયરનો જથ્થો છુપાવનાર આરોપીની ઓળખ મેળવી આરોપીને ફરાર જાહેર કર્યો હતો.
પ્રાપ્ત વિગતો મુજબ મોરબી સીટી એ ડિવિઝન પોલીસને બાતમી મળી હતી કે લાતી પ્લોટ 8મા રહેતા આરોપી અસલમ હાજીભાઈ ખોડ નામના શખ્સે સાવરના તળાવ કાંઠે દારૂ – બિયરનો જથ્થો છુપાવી વેચાણ ચાલુ કર્યું છે. જે બાતમીને આધારે દરોડો પાડતા તળાવકાંઠેથી ટ્યુબર્ગ બિયરના 72 ટીન અને ગ્રાન્ડ અફાયર બ્રાન્ડ વિદેશી દારૂની 36 બોટલ મળી આવતા પોલીસે વિદેશી દારૂ – બિયરનો રૂપિયા 18,000નો જથ્થો કબ્જે લઈ આરોપી અસલમને ફરાર દર્શાવી પ્રોહીબિશન એકટ મુજબ કાર્યવાહી કરી હતી.
