મોરબી : મોરબીમાં જૈન જાગૃતિ સેન્ટર લેડીઝ વિંગ દ્વારા આજે આંતરરાષ્ટ્રીય યોગ દિવસની ઉજવણી કરવામાં આવી. આ ઉજવણી દરમ્યાન નાત-જાતના ભેદભાવ વગર બધી લેડીઝ એક સાથે સમૂહમાં યોગા પ્રાણાયામ કર્યા અને મનને સ્ફૂર્તિમય બનાવ્યું. મહત્વનું છે કે, જૈન જાગૃતિ લેડીઝ વીંગ દ્વારા અવાર- નવાર આવા કાર્યક્રમો થતાં હોય છે. જૈન જાગૃતિ લેડિઝ વિંગનો હેતુ સ્ત્રીઓને તેમના વ્યસ્ત જીવનમાંથી થોડું પોતાના માટે જીવતા શિખવવાનો છે. આ કાર્ય માટે જૈન જાગૃતિ લેડીઝ વિંગના પ્રેસિડેન્ટ ખ્યાતિબેન શેઠ અને કમિટીના બધા મેમ્બર્સનો સાથ સહકાર મળ્યો હતો. તેમ યાદીમાં જણાવાયું છે.
