મોરબી : આજે તારીખ 21 જૂન ને 11માં વિશ્વ યોગ દિવસ નિમિત્તે જેલના ડીજીપી ડો. કે.એલ.એન. રાવના માર્ગદર્શન હેઠળ મોરબી સબ જેલ ખાતે વિશ્વ યોગ દિવસની ઉજવણી કરવામાં આવી હતી. ગુજરાત રાજ્ય યોગ બોર્ડ દ્વારા જેલ અધિક્ષક ડી.એમ. ગોહેલ, જેલર બાબરીયા તેમજ જેલ સ્ટાફ, બંદીવાનો તેમજ યોગ ગુરુ વિજયભાઈ, વાલજીભાઈની વિશેષ ઉપસ્થિતિમાં યોગ દિવસની ઉજવણી કરવામાં આવી હતી. આ ઉજવણીમાં અધિકારી, કર્મચારી અને બંદિવાન બહેનો તેમજ ભાઈઓએ ભાગ લઈ યોગ દિવસના કાર્યક્રમને સફળ બનાવ્યો હતો.
