ઝૂંપડપટ્ટી વિસ્તારમાં અંદરોઅંદર થયેલી મારામારીમા મૃતકના પિતાને પણ ઇજા
મોરબી : મોરબીમાં વાવડી ચોકડી નજીક ઝૂંપડપટ્ટી વિસ્તારમાં છોકરી બાબતે સામા પક્ષે ધારીયા અને છરીથી હુમલો કરી યુવાનની હત્યા કરી છે. જ્યારે આ હુમલામાં મૃતક યુવાનના પિતાને પણ ઇજા પહોંચી હોવાનું જાણવા મળી રહ્યું છે.
મોરબી.નજીક આવેલ વાવડી ચોકડીથી નવલખી ફાટક જવાના બ્રિજ વચ્ચે આવતી ઝૂંપડપટ્ટીમાં આજે છોકરી મામલે ઝઘડો થયો હતો. આ ઝઘડો કુટુંબમાં જ અંદરો અંદર બે પક્ષ વચ્ચે થયો હતો. જેમાં મારામારી કરી અને છરી તથા ધારીયાથી હુમલો કરવામાં આવતા રમેશભાઈ ગાભાભાઈ દેવીપૂજક (ઉ.વ.22) નામના યુવાનનું મોત નીપજ્તા બનાવ હત્યામાં પલટાયો છે. આ હુમલામાં તેમના પિતા ગાભાભાઇ જીવાભાઈ દેવીપૂજક ( ઉ.વ.70)ને ઇજા પહોંચી છે. બન્નેને સિવિલ હોસ્પિટલ લઈ જવામાં આવ્યા છે. આ મામલે એ ડિવિઝન પોલીસે પણ આગળની કાર્યવાહી હાથ ધરી છે.
