રાજકોટ: ઉજાસ અને આનંદનો પર્વ દિવાળી દરેક ઘરમાં ઉજવાય છે, જ્યાં લોકો દીવા પ્રગટાવી, ફટાકડા ફોડી અને આંગણે સુંદર રંગોળી બનાવી આનંદ વ્યક્ત કરતા હોય છે. આ જ ઉજાસના પર્વને અનોખી રીતે ઉજવવા રાજકોટ શહેર રેસકોર્ષ લોકેશન ખાતે આવેલી મહિલા પોલીસ સ્ટેશનની 181 અભયમ ટીમ દ્વારા વિશિષ્ટ પહેલ હાથ ધરવામાં આવી હતી. દિવાળી પર્વના અવસરે ટીમ દ્વારા “હેલ્પલાઇન નંબર અંગે જાગૃતિ” થીમ પર આકર્ષક રંગોળી બનાવી, મહિલાઓની સુરક્ષા અને સલામતી અંગે જનજાગૃતિનો સુંદર સંદેશો પાઠવવામાં આવ્યો હતો. રંગોળી દ્વારા ટીમે 181 અભયમ હેલ્પલાઇન નંબર વિશે માહિતી આપતાં લોકો સુધી “સંકટ સમયે નિર્ભય બની મદદ મેળવવાનો સંદેશ” પહોંચાડ્યો હતો.
