મોરબીમાં રવાપર ચોકડી પાસે ભારે વાહનોની પ્રવેશબંધીનો ઉલાળીયો કરનાર 13 ભારે વાહનો સામે કડક કાર્યવાહી

મોરબી : મોરબીમાં રવાપર ચોકડી પાસે ભારે વાહનની અવર-જવર ઉપર પ્રતિબંધ હોય છતાં પણ ભારે વાહનોની અવર- જવર થતી હોય, ટ્રાફિક પોલીસ દ્વારા બે દિવસમાં 13 જેટલા ભારે વાહનો સામે કાર્યવાહી કરવામાં આવી છે. આ વાહનોને રૂ.13 હજારનો દંડ ફટકારવામાં આવ્યો છે. વધૂમાં ટ્રાફિક પીએસઆઈ ડી.બી.ઠક્કરે જણાવ્યું છે કે રવાપર ચોકડીએ આ કાર્યવાહી આગામી દિવસોમાં પણ યથાવત જ રહેશે.