મોરબી : માળિયા (મિયાણા) તાલુકાની નાનીબરાર તાલુકા શાળામાં આજથી શરૂ થતા દ્વિતીય શૈક્ષણિક સત્રની શરૂઆત શુભકામનાઓ રૂપી પિગી બેંક (ગલ્લા) આપીને કરવામાં આવી હતી. આજરોજ શાળાના પહેલા જ દિવસે શાળા પરિવાર તરફથી શાળાના તમામ 101 વિદ્યાર્થીઓને ગલ્લા આપવામાં આવ્યા હતા. આ સાથે જ શાળાના આચાર્ય રાકેશભાઈ ફેફર દ્વારા વિદ્યાર્થીઓને બચતના મહત્વ વિશે સુંદર સમજ આપવામાં આવી હતી. બચત એ જીવનનો અમૂલ્ય ગુણ હોઈ વિદ્યાર્થીઓમાં નાનપણથી જ બચતની ટેવ કેળવાય એ હેતુથી આ કાર્ય કરવામાં આવ્યાનું શાળાના આચાર્યએ જણાવ્યું હતું.
