મોરબી શહેરમાં ડેલ્ટાટોન હિયરીંગ એઈડ સેન્ટર એન્ડ સ્પીચ થેરાપી દ્વારા આવનાર 27 અને 28 નવેમ્બર 2025ના રોજ સવારે 10:00 થી સાંજે 5:00 વાગ્યા સુધી બે દિવસીય મફત નિદાનકેમ્પનું આયોજન કરવામાં આવ્યું છે. આ કેમ્પનો મુખ્ય ઉદ્દેશ બહેરાશ તથા વાણી સંબંધિત તકલીફો અંગે લોકોમાં જાગૃતિ લાવવાનો તથા નિદાનની આધુનિક અને સુલભ સુવિધા પ્રદાન કરવાનો છે.
કેમ્પ દરમિયાન ઓડીયોલોજીસ્ટ દ્વારા કાનની સંપૂર્ણ તપાસ કરી બહેરાશનું નિદાન કરવામાં આવશે. ત્યારબાદ જરૂરિયાત ધરાવતા દર્દીઓને કોમ્પ્યુટર દ્વારા ડિજિટલ કાનના મશીનનો ટ્રાયલ અને ફિટિંગની સુવિધા આપવામાં આવશે. ખાસ કરીને કેમ્પ દરમિયાન ડિજીટલ કાનના મશીનની ખરીદી પર મોબાઈલ ફ્રી ઑફર, તેમજ જૂના કાનના મશીન માટે એક્સચેન્જ યોજનાની પણ જાહેરાત કરવામાં આવી છે. આ ઉપરાંત સરકારશ્રીની યોજનાના ભાગરૂપે સરકારી કર્મચારીઓ અને પેન્શનરોને ₹50,000/- સુધીની રીમ્બરસમેન્ટ વિશે વિગતવાર માર્ગદર્શન પણ આપવામાં આવશે.
કેમ્પની સાથે સાથે સ્પીચ થેરાપી પર પણ વિશેષ ડિસ્કાઉન્ટની જાહેરાત કરવામાં આવી છે. સામાન્ય રીતે મોંઘી ગણાતી સ્પીચ થેરાપી હવે માત્ર ₹200 પ્રતિ કલાકના વિશેષ દરે ઉપલબ્ધ રહેશે. તોડાપણું, હકલાવું, ઝડપથી બોલવાની સમસ્યા, વાણી-ભાષા વિકાસમાં ધીમી ગતિ, કર્કરો કે જાડો અવાજ, તેમજ પુરુષ અવાજ સ્ત્રી જેવો થતો હોય તેવા તમામ કેસોમાં અનુભવી Speech Therapist (Audiologist) દ્વારા સારવાર આપવામાં આવશે.
સેન્ટર તરફથી આપવામાં આવતી અન્ય સુવિધાઓમાં ઓડીયોલોજીસ્ટ દ્વારા કાનની નિષ્ણાત તપાસ, કાનના મશીનનું મોરબીમાં જ રિપેરીંગ, વિવિધ કંપનીના મશીનનું ટ્રાયલ તથા ફિટિંગ, તમામ મોડલના સેલ્સ ઉપલબ્ધતા, તેમજ દરેક કંપનીના હિયરિંગ મશીનની સેટિંગ સેવા સામેલ છે. આ તમામ સેવાઓ હવે મોરબી શહેરમાં જ એક જ સ્થળે ઉપલબ્ધ હોવાથી દર્દીઓને વિશેષ સહુલિયત મળશે.
કેમ્પ માટે નામ નોધાવવા અથવા વધુ માહિતી મેળવવા માટે 95377 53127 નંબર પર લલીત સાગઠીયાનો સંપર્ક કરી શકાય છે. કેમ્પનું સ્થળ ડેલ્ટાટોન હિયરીંગ એઈડ સેન્ટર & સ્પીચ થેરાપી, ડો. પ્રમીત ભોરણીયા હોસ્પિટલ નીચે, ભીમાણી મેડીકલ સામે, જૂના બસ સ્ટેન્ડ, મોરબી-363641 ખાતે નિર્ધારિત કરવામાં આવ્યું છે.
