માળીયા હાઇવે પર ડમ્પર પાછળ આઇસર ઘુસી જતા આઇસર ચાલકનું મોત

મોરબી : અમદાવાદ – માળીયા હાઇવે પર રોહિશાળા ગામના પાટિયા નજીક જીજે – 39 – ટીએ – 7485 નંબરના આઇસર ચાલક વિપુલ નટુભાઈ પરમાર ઉ.34 રહે.રુદેલ તા.બોરસદ વાળાએ બેફિકરાઈથી પોતાનું આઇસર ચલાવી આગળ જતા જીજે – 08 – એયું – 8033ના ઠાઠાના ભાગે ભટકાવી દેતા વિપુલભાઈનું મૃત્યુ નીપજ્યું હતું.જ્યારે આઇસરમાં બેઠેલા જયંતીલાલ બેચરાભાઈ વરાયા રહે.સાપેડા તા.અંજાર કચ્છ વાળાઓને ઇજાઓ પહોંચી હતી.બનાવ અંગે માળીયા મિયાણા પોલીસ મથકમાં ફરિયાદ નોંધાઇ છે.