મોરબીના ભડીયાદ રોડ પર દારૂબંધીના કાયદાના લીરેલીરા ઉડાવતી એક ઘટના સામે આવી છે. જેમાં બે શખ્સો દારૂ પીધેલી હાલતમાં જાહેરમાં બાખડતા જોવા મળ્યા હતા. નશામાં ધૂત આ બંને શખ્સોએ રસ્તા વચ્ચે એકબીજા સાથે હાથાપાઈ કરી, ગાળો ભાંડી ભયનું વાતાવરણ ઉભું કર્યું હતું. ધોળા દિવસે જાહેરમાં ચાલી રહેલા આ હાઈવોલ્ટેજ ડ્રામાને જોવા માટે લોકોના ટોળા એકઠા થયા હતા. સ્થાનિકોમાં આ દ્રશ્યો જોઈ ભારે રોષ જોવા મળ્યો હતો. તેમજ યોગ્ય કાર્યવાહી કરવા માંગ ઉઠી છે.
