ક્રાઈમ બ્રાન્ચની ટીમે દરોડા દરમિયાન રૂ.1,59,300 કબ્જે કર્યા
મોરબી : મોરબી તાલુકાના આમરણ ગામની સીમમાં જીવાપર જવાના રસ્તે આવેલ ચેકડેમ પાછળ ખરાબામાં જુગાર રમાઈ રહ્યો હોવાની બાતમીને આધારે મોરબી ક્રાઇમબ્રાન્ચની ટીમે દરોડો પાડી પાંચ જુગારીઓને રોકડા રૂપિયા 1,59,300 સાથે ઝડપી લીધા હતા.દરોડા દરમિયાન એક આરોપી નાસી ગયો હતો.
મોરબી ક્રાઇમબ્રાન્ચની ટીમને પેટ્રોલિંગ દરમિયાન બાતમી મળી હતી કે, આમરણથી જીવાપર જવાના રસ્તે ચેકડેમ પાછળ સરકારી ખરાબાની જગ્યામાં જુગાર રમાઈ રહ્યો છે. જે બાતમીને આધારે પોલીસ ટીમે દરોડો પાડતા આરોપી દેવદાનભાઈ મોમૈયાભાઈ કુંભારવાડિયા, અસલમમિયા સુલતાનમિયા બુખારી, ધીરજલાલ વાલજીબાઈ બોપલીયા, પ્રવીણભાઈ રાઘવજીભાઈ લિખિયા, ગૌતમભાઈ અમૃતભાઈ લિખિયા રહે.તમામ આમરણ વાળા બનાવ સ્થળેથી રોકડા રૂપિયા 1,59,300 સાથે ઝડપાઇ ગયા હતા.દરોડા દરમિયાન આરોપી નિઝામ ફારુકમિયા રહે.આમરણ વાળો નાસી જતા ક્રાઇમબ્રાન્ચે તમામ છ આરોપીઓ વિરુદ્ધ તાલુકા પોલીસ મથકમાં જુગારધારા મુજબ ગુન્હો રજીસ્ટર કરાવ્યો હતો.
