મયુર રાવલ, હળવદ
ઘરફોડ ચોરીનો વણશોધાયેલ ગુનો ઉકેલી એસ.ઓ.જી. મહીસાગરને મળી સફળતા, અસલ મુદ્દામાલ સાથે આરોપીની ધરપકડ
મહીસાગર જિલ્લામાં અગાઉ નોંધાયેલ ઘરફોડ ચોરીના વણશોધાયેલ ગુનાને શોધી કાઢવામાં એસ.ઓ.જી. (સ્પેશિયલ ઓપરેશન ગ્રુપ) મહીસાગરને નોંધપાત્ર સફળતા મળી છે. એસ.ઓ.જી.ની ટીમે સચોટ તપાસ અને ટેક્નિકલ વિશ્લેષણના આધારે ચોરીના ગુનામાં સંડોવાયેલા આરોપીને ઝડપી પાડ્યો છે તેમજ ચોરીનો અસલ મુદ્દામાલ પણ જપ્ત કર્યો છે.
મળતી માહિતી મુજબ, મહીસાગર જિલ્લાના એક વિસ્તારમાં ઘરફોડ ચોરીનો ગુનો નોંધાયો હતો, જેમાં ઘરેથી કિંમતી સામાનની ચોરી થઈ હતી. લાંબા સમયથી આ ગુનો વણશોધાયેલ રહેતા એસ.ઓ.જી. મહીસાગરે ગુનાની ગંભીરતા ધ્યાનમાં લઈ અલગથી તપાસ શરૂ કરી હતી. દરમિયાન મળેલ ગુપ્ત બાતમી અને ટેક્નિકલ સર્વેલન્સના આધારે એક શખ્સ પર શંકા કેન્દ્રિત કરવામાં આવી હતી.
એસ.ઓ.જી.ની ટીમે ઝડપી કાર્યવાહી કરી શંકાસ્પદ આરોપીને ઝડપી પાડ્યો હતો. પૂછપરછ દરમિયાન આરોપીએ ઘરફોડ ચોરીનો ગુનો કબૂલ કર્યો હતો. આરોપીની પાસેથી ચોરીમાં ગયેલ અસલ મુદ્દામાલ જપ્ત કરવામાં આવ્યો છે. પોલીસે આરોપી વિરુદ્ધ લાગુ પડતી કલમો હેઠળ કાયદેસરની કાર્યવાહી હાથ ધરી છે.
પોલીસના જણાવ્યા અનુસાર આરોપી અગાઉ પણ ગુનાહિત પ્રવૃત્તિમાં સંડોવાયેલ હોવાની શક્યતા છે અને તેની વધુ પૂછપરછ હાથ ધરવામાં આવી રહી છે, જેથી અન્ય ગુનાઓનો ભેદ ખુલવાની સંભાવના છે.
એસ.ઓ.જી. મહીસાગરની આ સફળતા બદલ પોલીસ વિભાગ દ્વારા ટીમની કામગીરીને બિરદાવવામાં આવી છે.
આ બાબતે વધું જાણકારી મળતી માહિતી મુજબ એસ.ઓ.જી પીઆઈ .વી.ડી.ધોરડાએ ટેક્નીકલ તેમજ હ્યુમન સોર્સથી માહીતી મળેલ કે કડાણા પોલીસ સ્ટેશન એ.પાર્ટ ગુ.ર.નં.૦૧૫/૨૦૨૬ બી.એન.એસ.કલમ ૩૩૧(૪),૩૦૫(એ) મુજબ ફરીયાદી ના બંધ મકાનમાં અનાજ ભરવાના લોખંડના પીપડામાં રાખેલ સોના ચાંદીના દાગીના તથા રોકડા રૂપિયા મળી કુલ રૂપિયા ૨,૮૭,૦૦૦/-ની ઘરફોડ ચોરી કરનાર ઇસમ ચોરીમાં ગયેલ મુદ્દામાલ લઇ વિરપુર બસ સ્ટેશન નજીક કોઇ સોનીને ત્યાં વેચવા માટે આવનાર છે તેવી ચોક્કસ બાતમી હકીકત આધારે એસ.ઓ.જી. સ્ટાફના પોલીસ અધિકારી/ કર્મચારીઓ વિરપુર પોલીસ સ્ટેશન વિસ્તારમાં બસ સ્ટેશનની આજુબાજુ વોચમાં ગોઠવાયેલ દરમ્યાન બાતમી મુજબનો ઇસમ ખભે એક થેલો ભરાવીને આવતાં તેને પકડી લઇ ઝડતી તપાસ કરતાં થેલામાં ચોરીમાં ગયેલ સોના-ચાંદીનો અસલ મુદ્દામાલ મળી આવ્યો હતો
મુદ્દામાલની વિગત
સોનાનો સેટ સેલર સાથેનો નંગ-૦૧ જેનું વજન ૧૯.૬૦૦ ગ્રામ,૮૦,૦૦૦/-.
સોનાની વીંટીઓ નંગ-૦૩ જેનું વજન ૬.૦૧૦ ગ્રામ,૮૦,૦૦૦/-
સોનાની ચેન નંગ-૦૧ જેનું વજન ૧૯.૬૦૦ ગ્રા,૮૦,૦૦૦/-
સોનાની બુટ્ટી નંગ-૦૨ જેનું વજન ૩.૮૭૦ ગ્રામ,૪૦,૦૦૦/-
ચાંદીના છડા નંગ-૦૬ જેનું વજન ૨૧૩.૯૦ ગ્રામ,૨૦,૦૦૦/-
ચાંદીનો કેડઝોલો નંગ-૦૧ જેનું વજન ૬૦.૪૦૦ ગ્રામ,૫૦૦૦/-
ચાંદીનું મંગળસુત્ર નંગ-૦૧ જેનું વજન ૭૯.૯૭૦ ગ્રામ ૧૦,૦૦૦/-ચાંદીની ચેન નંગ-૦૧ જેનું વજન ૧૪.૩૦૦ ગ્રામ ૨૦૦૦/-રોકડ રૂપિયા ૫૦૦ ના દરની ૨૫ નોટો તથા ૨૦૦ ના દરની ૧૨ નોટો તથા ૧૦૦ ના દરની ૦૧ નોટ,૧૫,૦૦૦/-
REDMI કંપનીનો મોબાઈલ ફોન,૫૦૦૦/-એક તુટેલ ઓપ્પો કંપનીનો મોબાઈલ ફોન બંધ હાલતમાં,૧૦૦૦/-
એક નાની પ્લાસ્ટીકની બેટરી,૧૦૦/-
કબજે કરેલ મુદ્દામાલ કુલ રૂપિયા,૩,૩૮,૧૦૦/- કબજે કર્યા હતો.પકડાયેલ આરોપીઃ-
(૧) સુરપાલભાઇ બાબુભાઇ ખાંટ રહે.ચરાડા ખાંટ ફળીયું તા.સંતરામપુર જી.મહીસાગર
સમગ્ર કામગીરીમાં એસ.ઓ.જી પીઆઈ વી.ડી.ધોરડા, પીએસઆઇ એ.એમ.બારીઆ, એચ.બી.સિસોદીયા,કિર્તિપાલસિંહ, અમરસિંહ, રાજેશકુમાર,અક્ષયકુમાર, પ્રતાપભાઇ. અજીતભાઇ, હેમંતકુમાર,નટવરસિંહ,થુભાઇ, મયુરસિંહ, લીલાબેન સહિતનો સ્ટાફ જોડાયો હતો.
