આગામી ચૂંટણીનો એજન્ડા નક્કી કરાયા
આજે મોરબી જિલ્લા ભાજપ કાર્યાલય ‘શ્રી કમલમ’ ખાતે એક વિશેષ સંગઠન બેઠકનું આયોજન કરવામાં આવ્યું હતું. મોરબી જિલ્લાના પ્રભારી મંત્રી ત્રિકમભાઇ છાંગાની અધ્યક્ષતામાં યોજાયેલી આ બેઠકમાં આગામી દિવસોમાં આવનારી ચૂંટણીઓના રોડમેપ અને સંગઠનલક્ષી કામગીરી અંગે વિસ્તૃત ચર્ચા-વિચારણા કરવામાં આવી હતી.
ચૂંટણી રણનીતિ: આગામી ચૂંટણીઓમાં ભાજપનો ભવ્ય વિજય નિશ્ચિત કરવા માટે બૂથ સ્તર સુધીના આયોજન પર ભાર મૂકવામાં આવ્યો હતો.
જનસંપર્ક અભિયાન: સરકારની લોકકલ્યાણકારી યોજનાઓને છેવાડાના માનવી સુધી પહોંચાડવા માટે કાર્યકરોને માર્ગદર્શન અપાયું હતું.
સંગઠન શક્તિ: પક્ષના માળખાને વધુ મજબૂત કરવા અને પેજ સમિતિના કાર્યને વેગ આપવા સૂચનાઓ અપાઈ હતી.
ઉપસ્થિત મહાનુભાવો:
આ બેઠકમાં મોરબી જિલ્લા ભાજપ પ્રમુખ જયંતિભાઈ રાજકોટિયા, જિલ્લા મહામંત્રીઓ નિર્મલભાઇ જારીયા, તપનભાઇ દવે, અને ચતુરભાઇ મકવાણા, ટંકારા-પડધરીના ધારાસભ્ય દુર્લભજીભાઇ દેથરીયા વિશેષ ઉપસ્થિત રહ્યા હતા.
આ બેઠકમાં જિલ્લા ભાજપના તમામ હોદ્દેદારો, વિવિધ તાલુકા મંડળના પ્રમુખ-મહામંત્રીઓ તેમજ તાલુકા અને શહેરના પ્રભારીઓએ ઉત્સાહભેર ભાગ લીધો હતો. પ્રભારી મંત્રીએ કાર્યકરોને સંબોધતા જણાવ્યું હતું કે, સંગઠિત શક્તિ અને પરિશ્રમ દ્વારા આપણે આગામી ચૂંટણીમાં રેકોર્ડબ્રેક પરિણામો હાંસલ કરીશું.
