મોરબી : આમ આદમી પાર્ટીના વાંકાનેર વિધાનસભાની ટીમ દ્વારા વાંકાનેર પ્રાંત કચેરી ખાતે સરપંચો ને પગાર મળે એ માટે આવેદનપત્ર આપવામાં આવ્યું હતું.
આમ આદમી પાર્ટીની વાંકાનેર વિધાનસભાની ટીમ દ્વારા પ્રાંત કચેરી ખાતે સરપંચોને વિશેષ લાભ મળે અને સરપંચોને નાણાકીય સહાય સરકાર દ્વારા ચુકવવામાં આવે એવી માંગ સાથે પ્રાંત અધિકારીને એક આવેદનપત્ર આપવામાં આવ્યું હતું. જેના મુખ્ય મુદ્દાઓ:
૧.વધુ નાણાકીય સ્વાયત્તતા:
સરપંચોને ગામના વિકાસ માટે ફાળવવામાં આવતા ભંડોળનો ઉપયોગ કરવામાં વધુ સ્વતંત્રતા આપવી જોઈએ, જેથી તેઓ ગામની જરૂરિયાતો પ્રમાણે ઝડપથી નિર્ણય લઈ શકે.
ભંડોળની ફાળવણી અને ખર્ચની પ્રક્રિયાને વધુ સરળ અને પારદર્શક બનાવવી જોઈએ.
૨.અદ્યતન તાલીમ અને ટેકનોલોજી: સરપંચોને આધુનિક ટેકનોલોજી, જેમ કે ડેટા એનાલિટિક્સ અને ગ્રામીણ વિકાસ માટે AI-આધારિત ટૂલ્સની તાલીમ આપવી જોઈએ. ડિજિટલ ગ્રામ પંચાયત સિસ્ટમને વધુ યુઝર-ફ્રેન્ડલી બનાવવા અને દરેક સરપંચને ઈન્ટરનેટ અને ડિવાઈસની સુવિધા આપવી જોઈએ. ૩. મહિલા સરપંચો માટે વિશેષ સહાય:
મહિલા સરપંચોને નેતૃત્વ અને વહીવટી કૌશલ્યો વધારવા માટે વધુ વર્કશોપ અને મેન્ટરશિપ પ્રોગ્રામ શરૂ કરવા જોઈએ. તેમની સુરક્ષા અને નિર્ણય લેવાની સ્વતંત્રતા માટે સ્થાનિક સ્તરે સમર્થનની વ્યવસ્થા કરવી જોઈએ.
૪. સ્થાનિક સમસ્યાઓના ઝડપી ઉકેલ:
સરપંચોની ફરિયાદો અને સમસ્યાઓના નિરાકરણ માટે એક ડેડિકેટેડ હેલ્પલાઈન અથવા ઓનલાઈન પોર્ટલ બનાવવું જોઈએ. જિલ્લા અને તાલુકા સ્તરે સરપંચો સાથે નિયમિત બેઠકો યોજીને તેમના સૂચનો લેવા જોઈએ. સરપંચને તાલુકા-જીલ્લા સ્તરની મીટીંગો અથવા ગામના વિકાસના કામને લઈને સરકારી કચેરીમાં થતા ધક્કા માટે પેટ્રોલ એલાઉન્સ આપવું. સરપંચને ઉચ્ચ વીમા સુરક્ષા કવચ જેવી સુવિધાઓ આપવી.
સરકારી કચેરીઓમાં સરપંચને માટે બેઠક વ્યસ્થા કરવી તેમજ કોઈ પણ વારે સરપંચ સરકારી કચેરીના કોઈ પણ અધિકારીને તાત્કાલિક મળી શકે તેમજ અધિકારીને રાહ જોઇને સરપંચને બેસાડવામાં ન આવે. સરકારી નાણાપંચની ગ્રાન્ટનો ઉપયોગ ક્યાં કામમાં કરવો એની ૧૦૦% અમલવારી નક્કી કરવાની સંપૂર્ણ સત્તા સરપંચ અને ગ્રામ સભાને આપવામાં આવે. ગામનો સંપૂર્ણ વહીવટ સરપંચ કરતા હોઈ છે ત્યાં પંચાયતમાં ફરજ બજાવતા તલાટી કમ મંત્રીની રજા મંજુર અથવા નામંજૂર કરવાનો હક સરપંચને હોવો જોઈએ.
આજના આધુનિક યુગમાં દરેક ગ્રામ પંચાયતને વધુ આધુનિક સુજ્જ બની રહી છે ત્યારે દરેક ગ્રામ પંચાયત સરપંચને જોડી ગ્રામ પંચાયત વહીવટ કેવી રીતે કરવો તે બાબતે ઓનલાઈન તાલીમની વ્યસ્થા કરવામાં આવે.
૫. સરપંચને માનદ વેતન અને સારી સુવિધાઓ મળવી જોઈએ એ કારણ કે તેઓ ગામના વિકાસ અને વહીવટમાં મહત્વની ભૂમિકા ભજવે છે. ઘણીવાર તેઓ નાના ગામોમાં પૂરતા સંસાધનો વિના કામ કરે છે, જેનાથી તેમની કાર્યક્ષમતા પર અસર પડે છે.
