વલસાડ જિલ્લામાં માસૂમ બાળકી ઉપર નરાધમોએ દુષ્કર્મ આચર્યું હતું. આ જઘન્ય બનાવ આરોપીઓ એવા નરાધમોને વલસાડના બાહોશ પોલીસ અધિકારી એસપી ડો. કરણરાજ વાઘેલા સહિતની પોલીસ ટીમે દબોચી લઈને આરોપીઓ સામે દાખલારૂપ કાર્યવાહી કરી હતી.એસપી કરણરાજે જણાવ્યું હતું કે, આ ગંભીર અપરાધમાં કોઈ કચાસ રાખવામાં આવશે નહિ. ભોગ બનનાર પીડિતા અને તેના પરિવારને ન્યાય મળે તેમજ કોઈ નરાધમ આવું કૃત્ય કરતા પહેલા સો વખત વિચાર કરે તે માટે દાખલા રૂપ કાર્યવાહી કરવા વલસાડ પોલીસ તમામ સજ્જડ પુરાવા એકત્ર કરી આ કેસને ફાસ્ટ ટ્રેક કોર્ટમાં ચલાવવામાં આવશે.
દુષ્કર્મના બનાવની પ્રાપ્ત વિગતો અનુસાર ગત તા.૨૭ ઓગસ્ટના રોજ આશરે બપોરના સાડા ત્રણ વાગ્યે અરસામાં ઉમરગામના દેવધામ વિસ્તારમાં આવેલ ચાલીમાં એક ત્રણ વર્ષ અને ત્રણ માસની બાળકી સાથે દુષ્કર્મ બનાવ બનાવ બન્યો હતો. આ બાબતની જાણ ભોગ બનનારના વાલીએ ઉમરગામ પો.સ્ટેમાં કરતા ઉમરગામ પોલીસે તાત્કાલિક આ બનાવને ગંભીરતાથી લઇ પોલીસ કન્ટ્રોલ વલસાડને જાણ કરતા સુરત રેન્જ પોલીસ મહાનિરીક્ષક પ્રેમવીર સીંગ તથા વલસાડ પોલીસ અધિક્ષક ડો.કરણરાજ વાઘેલા (IPS) નાઓ તાત્કાલીક સ્થળ ઉપર પહોંચી ગયેલા હતા અને તપાસ શરૂ કરી હતી. એસપી વાઘેલાના માર્ગદર્શન તથા સુચના મુજબ ભોગ બનનાર બાળકીના વાલી વારસની ફરીયાદ રજીસ્ટર્ડ કરી વલસાડ જીલ્લા પોલીસની ક્રાઇમ બ્રાંચ, સ્પેશ્યલ ઓપરેશન ગૃપ, તેમજ જીલ્લાના ચુનંદા અધિકારીઓની અલગ અલગ ટીમો બનાવી આરોપીને ગણતરીના કલાકોમાં મહારાષ્ટ્ર રાજ્યમાંથી પોતાના વતન તરફ ભાગતો પકડી પાડેલ છે.આ ગંભીર ગુન્હામાં બાળકીને તાત્કાલિક મેડીકલ સારવાર કરાવી છે અને ભોગ બનનાર બાળકી હાલમાં સારવાર હેઠળ છે. તેમજ સ્વસ્થ છે. આ ગુન્હામાં આરોપીને સખતમાં સખત દાખલા રૂપ સજા થાય તે માટે નાયબ પોલીસ અધિક્ષક વાપીની અધ્યક્ષતામાં સ્પેશ્યલ ઇન્વેસ્ટીગેશન ટીમની રચના કરવામાં આવેલ છે.
તા.૨૮/૮/૨૦૨૪ ના રોજ સ્પેશ્યલ ઇન્વેસ્ટીગેશન ટીમ દ્વારા ફોરેન્સીક નિષ્ણાંતોની હાજરીમાં ગુનાવાળી જગ્યાનું પંચનામુ તથા આરોપીને સાથે રાખી ઘટનાનું રીકન્ટ્રકશન પંચનામું કરવામાં આવેલ છે. તેમજ તપાસના કામે આરોપીના કપડા તથા મોબાઇલ ફોન કબ્જે લેવામાં આવેલ છે. તેમજ આરોપી વિરૂધ્ધના પુરાવા મેળવવા આરોપીની મેડીકલ તપાસણી કરાવવામાં આવેલ છે. આરોપીને સખતમાં સખત સજા થાય તે માટે આરોપી વિરૂધ્ધ તપાસ દરમ્યાન વૈજ્ઞાનિક, ફોરેન્સીક, મેડીકલ તથા સાંયોગીક પુરાવાઓ મેળવી તાત્કાલીક ચાર્જશીટ કરી ફાસ્ટ ટ્રેક કોર્ટમાં કેસ ચલાવવામાં આવનાર છે.
