મોરબી મનપા જાહેરમાં પાનની પિચકારી લગાવનાર પાન માવાના શોખીનો સામે આકરા પાણીએ થયું છે.જો કે મનપાએ અગાઉ જાહેર મિલકતને થુંક દાની બનાવનાર લોકોને 500 રૂપિયા દંડ કરવાની જોગવાઈ કરતા પોસ્ટર લગાવ્યા હતા. તેમ છતાં અમુક પાન માવાના શોખીનો આદત સે મજબુર હોય તેમ જાહેરમાં પાન માવાની પિચકારી થુંકતા મનપાએ આવા શોખીનોના ફોટા પાડી પોસ્ટર લગાવ્યું છે અને બીજા શોખીનોને પણ આવી કરતૂતો ન કરવાની ચેતવણી આપી છે.
