મોરબી : રાજ્ય સરકારના માર્ગદર્શન અનુસાર સ્પોર્ટ્સ ઓથોરીટી ઓફ ગુજરાત- ગાંધીનગર તથા જિલ્લા વહીવટી તંત્ર મોરબી દ્વારા સ્પેશિયલ ખેલ મહાકુંભ-3.0નું આયોજન કરવામાં આવ્યું હતું. ખેલમહાકુંભ 2025 અંતર્ગત વિવિધ રમતોમાં શ્રી સજનપર પ્રાથમિક શાળાના બાળકોએ ઉત્કૃષ્ટ પ્રદર્શન કરી શાળાનું ગૌરવ વધારેલ છે જેમાં સમગ્ર તાલુકામાં પ્રથમ વખત આર્ચરી-ઇન્ડિયન રાઉન્ડ સ્પર્ધામાં સજનપર પ્રા.શાળાના વિદ્યાર્થીઓ જિલ્લા કક્ષાએ પસંદગી પામી રાજ્ય કક્ષા/ઝોન કક્ષાએ મોરબી જિલ્લાનું પ્રતિનિધિત્વ કરશે.
જેમાં ભાઈઓની શ્રેણીમાં ધાણક અર્જુન રામસીંગભાઈ, બહેનોની શ્રેણીમાં ધાણક લશ્મિતા શંકરભાઇ, ધાણક સંદીકા કેશરીયાભાઈ, સાબરીયા શીતલ સંજયભાઈ, પરમાર અસ્મિતા જુવાનસિંહ તેમજ એથલેટીક્સ-ઉંચી કૂદમાં બહેનોમાં ધાણક સંદીકા કેશરીયાભાઈ, આ ઉપરાંત જિલ્લા કક્ષાએ ત્રીજો અને ચોથો નંબર મેળવેલ વિદ્યાર્થીઓમાં એથલેટિક્સ ઉંચી કૂદમાં ધાણક લશ્મિતા શંકરભાઇ – તૃતીય માવી રાહુલ નાનાભાઈ – ચોથા ક્રમે એથલેટિક્સ લાંબી કૂદમાં સાબારીયા અમિષા દશરથભાઈ – ચોથા ક્રમે આવેલ છે. આ તમામ વિદ્યાર્થીઓને અને તેમને તૈયારી કરાવનાર શાળાના શિક્ષિકા બહેન રેખાબેન આરદેશણા અને માર્ગદર્શન આપનાર તમામ શિક્ષકોને આચાર્ય અલ્પેશભાઈ પુજારાએ અભિનંદન પાઠવેલ છે.
