મોરબીના જેતપર રોડ પર પાવડીયારી ગામ નજીક વિરાટ નગરના પાટિયા પાસે આવેલા સોયો સેનેટરી કારખાનામાં કોઈ અગમ્ય કારણોસર આગ લાગવાની ઘટના બની હતી. આગ લાગતા જ કારખાનામાં હડકંપ મચી ગયો હતો.
સ્થાનિક લોકોએ તાત્કાલિક ચેતના બતાવી પાણીનો મારો ચલાવી આગ કાબૂમાં લેવાના પ્રયત્નો હાથ ધર્યા હતા. ઘટનાની જાણ ફાયર બ્રિગેડને કરવામાં આવી હતી, પરંતુ ટીમ પહોંચે તે પહેલા જ સ્થાનિકો દ્વારા આગ સંપૂર્ણપણે કાબૂમાં લઈ લેવામાં આવી હતી. સદભાગ્યે, આ ઘટનામાં કોઈ જાનહાનિ થઈ નથી, પરંતુ ઘટનાએ વિસ્તારના લોકોને ચિંતામાં મુકી દીધા હતા.
