માળિયાના સરવડ નજીક ટેન્કર સાથે અથડાયા બાદ એસટી બસ રોડ નીચે ઉતરી

જામનગર હાઈવે પર સરવડ ગામ નજીક ટેન્કર સાથે અથડાયા બાદ એસટી બસ રોડ નીચે ગટરમાં ઉતરી ગઈ હતી અને પાછળના ભાગે એસટી બસમાં નુકશાન પહોંચ્યું હોવાની ફરિયાદ નોંધાઈ છે

માળિયાના મોટી બરાર ગામે રહેતા અને એસટી બસના ડ્રાઈવર તરીકે ફરજ બજાવતા અરવિંદભાઈ સવાભાઇ હુંબલે ટેન્કર જીજે ૩૬ ટી ૬૭૮૯ ના ચાલક વિરુદ્ધ ફરિયાદ નોંધાવી છે કે ગત તા. ૦૭ ના રોજ જામનગર હાઈવે પર સરવડ ગામના નાલા પાસે ટેન્કર ચાલકે પુરઝડપે ચલાવી એસટી બસ જીજે ૧૮ ઝેડ ૫૯૮૬ ડ્રાઈવર સાઈડે પાછળના ભાગે અથડાવી અકસ્માત સર્જ્યો હતો જેમાં ફરિયાદીની એસટી બસ રોડ સાઈડે ગટરમાં ઉતરી જતા આગળ અને પાછળના ભાગે એસટી બસમાં નુકશાન થયું છે માળિયા (મી.) પોલીસે ફરિયાદ નોંધી તપાસ ચલાવી છે