મોરબી : મોરબી જિલ્લા ભાજપ કાર્યાલય ‘કમલમ’ ખાતે વિવિધ મોરચાના હોદ્દેદારોના સન્માન માટે એક વિશેષ અભિવાદન સમારોહનું આયોજન કરવામાં આવ્યું હતું
આ કાર્યક્રમમાં મોરબી જિલ્લા ભાજપના પ્રભારી ગજેન્દ્રભાઈ સક્સેના, મોરબી જિલ્લા ભાજપ પ્રમુખ જયંતીભાઈ રાજકોટિયા તેમજ જિલ્લા ભાજપના મહામંત્રીઓ નિર્મલભાઈ જારીયા, તપનભાઈ દવે અને ચતુરભાઈ મકવાણા ખાસ ઉપસ્થિત રહ્યા હતા.
આ ઉપરાંત, ગુજરાત પ્રદેશ યુવા મોરચાના ઉપાધ્યક્ષ સુખદેવભાઈ દેલવાડીયા તેમજ ભાજપના દરેક મોરચાના પ્રમુખ અને મહામંત્રીઓએ પણ આ કાર્યક્રમમાં હાજરી આપી હતી. ઉપસ્થિત તમામ અગ્રણીઓ દ્વારા હોદ્દેદારોનું અભિવાદન કરી તેમને સંગઠનની કામગીરી માટે પ્રોત્સાહિત કરવામાં આવ્યા હતા.
