મોરબીના પીપળી ગામે બંધ ટ્રક પાછળ રીક્ષા અથડાયો: એકનું મોત

મોરબી તાલુકાના પીપળી ગામે મનીષ કાંટા પાસે ગત તા.20ના રોજ જીજે -03 – બીડબ્લ્યુ – 5152 નંબરના ટ્રક ચાલકે કોઈપણ આડશ મુક્યા વગર કે સાઈડ સિગ્નલ ચાલુ રાખ્યા વગર રોડ ઉપર ટ્રક ઉભો રાખી દેતા જીજે – 36 – યુ – 9410 નંબરની રીક્ષા લઈને જઈ રહેલ જયેશભાઇ પ્રભુભાઈ જીતિયા નામના યુવાનની રીક્ષા ટ્રક પાછળ અથડાતા ગંભીર ઇજાઓ પહોંચતા જયેશભાઈનું મૃત્યુ નીપજ્યું હતું.અકસ્માતના આ બનાવ અંગે મૃતકના પિતા પ્રભુભાઈ જીતિયા રહે.ગાળા ગામ, મોરબી વાળાએ મોરબી તાલુકા પોલીસ મથકમાં ફરિયાદ નોંધાવતા પોલીસે ટ્રક ચાલક વિરુદ્ધ ગુન્હો નોંધી તપાસ શરૂ કરી છે.