મોરબી : મોરબી – કચ્છ હાઇવે ઉપર માળીયા મિયાણા નજીક ટ્રક ચાલકે નેશનલ હાઇવે ઉપર કોઈપણ અવરોધ કે સિગ્નલ ચાલુ રાખ્યા વગર ટ્રક ઉભો રાખી દેતા આ ટ્રક પાછળ એસટી બસ અથડાતા એક મુસાફર અને બસના કંડકટરને ઇજાઓ પહોંચી હતી.
મોરબી – કચ્છ નેશનલ હાઇવે ઉપર માળીયા નજીક આવેલ દેવ સોલ્ટ કારખાના પાસે ગત રાત્રીના સમયે જીજે – 12 – બીએક્સ – 3843 નંબરના ટ્રક ચાલકે કોઈપણ અવરોધ મુક્યા વગર કે સાઈડ સિગ્નલ ચાલું રાખ્યા વગર રોડ ઉપર પોતાનો ટ્રક ઉભો રાખી દેતા જીજે – 18 – ઝેડટી – 0175 નંબરની બસ આ ટ્રક પાછળ અથડાઈ હતી. ટ્રક અને બસ વચ્ચેના આ અકસ્માતમાં બસના કંડકટર ભગિરથસિંહ તેમજ પેસેન્જર મહોબતસિંહ જાડેજાને ઇજાઓ પહોંચતા બસચાલક જયેશકુમાર રામજીભાઈ સિંધવ રહે.વઢવાણ સુરેન્દ્રનગર વાળાઓએ ટ્રક ચાલક વિરુદ્ધ માળીયા મિયાણા પોલીસ મથકમાં ફરિયાદ નોંધાવી હતી.
