મોરબી : મોરબીના લાલપર નજીક આજે ત્રિપલ અકસ્માત સર્જાયો છે. જેમાં બે ડમ્પર વચ્ચે આવી જતા સ્વીફ્ટ કારનો બુકડો બોલી ગયો છે. આ અકસ્માતમાં એક મહિલાને ગંભીર ઇજા પહોંચી હોવાનું જાણવા મળી રહ્યું છે.
વાંકાનેરના એક પરિવારની જીજે 36 એસી 9493 નંબરની સ્વીફ્ટ કારને લાલપર નજીક ગોલ્ડ સિરામિકની સામે અકસ્માત નડ્યો છે. આ કાર બે ડમ્પર વચ્ચે આવી જતા કારનો બુકડો બોલી ગયો છે. આ કારમાં ત્રણ લોકો અને એક બાળક સવાર હતા. જેમાંથી મહિલાને ગંભીર ઇજાઓ પહોંચતા હોસ્પિટલ ખસેડવામાં આવ્યા છે. બીજી તરફ આ કારને ક્રેનની મદદથી સાઈડમાં લઈ ટ્રાફિક પૂર્વવત કરવામાં આવ્યો હોવાનું જાણવા મળી રહ્યું છે.
