સુખ, શાંતિ, સમૃદ્ધિ અને પ્રગતિના નવા અવસર સાથે સૌના જીવનમાં ખુશીઓનો પ્રકાશ પથરાય તેવી શુભકામનાઓ
મોરબી ડેઈલી : પવિત્ર દિપોત્સવ પર્વના પ્રારંભ સાથે ધનતેરસ, પ્રકાશના મહાપર્વ દીપાવલી અને આવનારા નૂતન વર્ષના પાવન અવસર નિમિત્તે મોરબી જિલ્લા ભાજપના મીડિયા ઇન્ચાર્જ ભાવેશ કાનાણીએ મોરબી જિલ્લાના તમામ નાગરિકોને હાર્દિક શુભકામનાઓ પાઠવી છે.
મોરબી જિલ્લા ભાજપ મીડિયા વિભાગના ઇન્ચાર્જ ભાવેશ કાનાણીએ વેપારી ભાઈઓ-બહેનો, ઉદ્યોગકારો, ખેડૂતો, શ્રમિકો, યુવાનો, વડીલો તેમજ માતૃશક્તિને દીપાવલી અને નૂતન વર્ષના તહેવારોની શુભકામનાઓ પાઠવી હતી. ધનતેરસના પવિત્ર અવસરે દરેકના જીવનમાં સુખ-સમૃદ્ધિનું આગમન થાય, દીપાવલીના દીવડાઓ જીવનમાંથી અંધકાર દૂર કરી ખુશીઓનો પ્રકાશ ફેલાવે અને નૂતન વર્ષ સૌના જીવનમાં નવી સફળતા, પ્રગતિ તથા ઉમંગ લઈને આવે તેવી પ્રાર્થના વ્યક્ત કરી હતી.
તેમણે જણાવ્યું હતું કે ભારતીય સંસ્કૃતિના આ પવિત્ર તહેવારો સુખ, સમૃદ્ધિ, શાંતિ, સ્વાસ્થ્ય અને નવી આશાઓનો સંદેશ આપે છે. મોરબી જિલ્લો પોતાની ઔદ્યોગિક ઓળખ, વેપારી સાહસિકતા, મહેનતુ શ્રમિકો, ખેડૂત સમુદાય અને સામાજિક એકતાના બળે સમગ્ર ગુજરાતમાં આગવું સ્થાન ધરાવે છે. આગામી વર્ષમાં મોરબી જિલ્લો વિકાસની નવી ઊંચાઈઓ સર કરે, વેપાર-ઉદ્યોગ ક્ષેત્રે વધુ પ્રગતિ થાય અને દરેક પરિવાર સુખ-શાંતિ તથા સમૃદ્ધિ સાથે જીવન વિતાવે તેવી શુભેચ્છા પણ વ્યક્ત કરી હતી.
આ સાથે ભાવેશ કાનાણીએ નાગરિકોને સ્વદેશી વસ્તુઓને પ્રોત્સાહન આપવા, પર્યાવરણની જાળવણી કરવા તેમજ સુરક્ષિત અને પ્રદૂષણમુક્ત દીપાવલી ઉજવવા અપીલ કરી હતી. તહેવારોના માધ્યમથી પ્રેમ, ભાઈચારો અને સામાજિક સમરસતાની ભાવના વધુ મજબૂત બને તે માટે સૌએ સાથે મળીને પ્રયાસ કરવા અનુરોધ કર્યો હતો.
અંતમાં તેમણે પ્રકાશ, પ્રગતિ અને સમૃદ્ધિના નવા યુગનું સ્વાગત કરવાની ભાવના સાથે મોરબી જિલ્લાના સૌ નાગરિકોને ધનતેરસ, દીપાવલી અને નૂતન વર્ષાભિનંદન પાઠવ્યા હતા.
