આરટીઆઈ એક્ટ હેઠળ માંગેલ માહિતી ૩૦ દિવસમાં આપવાની હોય જે આઠ આઠ મહિનાઓ થયા માહિતી ન આપી આરટીઆઈ એક્ટનું ઉલ્લંઘન કરે છે.
તારીખ 13/01/2026 ના રોજ મોરબી મહાનગરપાલિકા પાસે વિવિધ મુદ્દાઓને લગતી માહિતી આરટીઆઈ એક્ટ હેઠળ માગેલ હતી,પરંતુ તે માહિતી 30 દિવસ વીતી જવા છતાં મળેલ ન હોય,તારીખ 16/02/26 ના રોજ પ્રથમ અપીલ દાખલ કરેલ.જેનો તારીખ 22/03/2026 ના રોજ સોની સાહેબ દ્વારા માહિતી આપવા હુકમ કરાયેલ હતો,પરંતુ તેમની નીચેના કર્મચારી દ્વારા તેમના હુકમનું પાલન કરવામાં ન આવતા પ્રથમ અપીલ અધિકારી અને નાયબ મ્યુનિસિપલ કમિશનર સોની સાહેબ દ્વારા તારીખ 21/05/2026 ના રોજ હુકમની અમલવારી માટે ફરીથી હુકમ કરેલ હતો,પરંતુ કમનસીબે સાહેબના આ હુકમનું પાલન પણ તેમના તાબાના કર્મચારી દ્વારા કરવામાં ન આવતા ફરીથી તારીખ 25/07/2026 ના રોજ સાહેબ દ્વારા હુકમની અમલવારી માટે ફરીથી હુકમ કરવામાં આવતા તેમના આ હુકમને પણ વર્કશોપ શાખાના જાહેર માહિતી અધિકારી ઘોળીને પી ગયા હોય,સાહેબે કરેલા હુકમો તેમની જ હેઠળના કર્મચારી હુકમનું પાલન ન કરતા હોય,સાહેબના હુકમો મજાક સમાન બનીને રહી ગયા છે.
આ સાહેબ દ્વારા એક નહીં પરંતુ ત્રણ ત્રણ હુકમો ફરવા છતાં જો તેમની નીચેના કર્મચારી તેમનું માનતા ન હોય તો સાહેબ નું તેમની કચેરીમાં શું ઉપજતું હશે? તે આ પરથી સમજી શકાય છે.
આજરોજ ફરીથી સાહેબને હુકમ પાલન કરાવી તાત્કાલિક માહિતી અપાવવા માટે રજૂઆત કરેલ હોય અને આ વખતે માહિતી મળે છે અને સાહેબ શું કાર્યવાહી કરે છે એ જોવું રહ્યું.
