મોરબી : મોરબી વાંકાનેર હાઇવે ઉપર આવેલ માટેલ રોડ ઉપર એક પરિણીતાને અચાનક પ્રસુતિનો દુખાવો ઉપડ્યો હતો. આ અંગેની મકનસર 108 એમ્બ્યુલન્સની ટીમને જાણ થતાં 108ની ટિમ તાકીદે ઘટનાસ્થળે પહોંચી ગઈ હતી. જ્યાં જઈને જોયું તો પ્રસૂતા રંજીતાબેન વિક્રમભાઇની હાલત નાજુક હોય સ્થળ પર જ ડિલિવરી કરવી પડે તેમ હોવાથી 108ની ટીમે સફળતાપૂર્વક પ્રસુતિ કરાવીને બન્નેને જરૂરી સારવાર માટે હોસ્પિટલમાં ખસેડયા હતા.
