મોરબી : મોરબીની રવાપર ચોકડી પાસે લાંબા સમયથી તૈનાત ટ્રાફિક પોલીસ મેન દેવજીભાઈ બાવરવા ટ્રાફિકના ચુસ્ત નિયમનની સાથે લોકોને મદદરૂપ થવામાં ક્યારેય પાછીપાની કરતા નથી. જેમાં અગાઉ ઘણીવાર તેમણે આ રસ્તાના ખાડા બુરીને રસ્તો ચાલવા યોગ્ય બનાવ્યો હતો. દરમિયાન આજે એક યુવતી પોતાનું સ્કૂટર લઈને નીકળી હતી. બરાબર તે જ સમયે સ્કૂટરનું પેટ્રોલ ખૂટી ગયું હતું. આથી દેવજીભાઈ બાવરવા તુરત પોતાની માનવતા નિભાવવા યુવતીની મદદે દોડી ગયા હતા અને સ્કૂટરમાં પેટ્રોલ આપીને પોતાની કર્તવ્યનિષ્થા દાખવી હતી.
