મોરબીમાં રવાપર ગામ પાસે આવેલ ગોલ્ડન માર્કેટની બાજુમાં ક્રિષ્ના પેલેસના ચોથા માળે આજે આગ લાગવાની ઘટના બની હતી. આ દરમ્યાન કોઈ જાનહાની થઈ ન હતી.
સમગ્ર વિગત અનુસાર, મોરબીમાં રવાપર ગામ પાસે આવેલ ગોલ્ડન માર્કેટની બાજુમાં આવેલ ક્રિષ્ના પેલેસના ચોથા માળે આગ લાગી હતી. આ અંગે સ્મિતભાઈએ જણાવ્યું હતું કે, એ.સી.માં ધડાકો થયો હતો જે કારણે આગ લાગી હતી. બાદમાં આ આગ ફેલાઇ હતી. સદનસીબે કોઈ જાનહાની થઈ નથી. અને આસપાસના રહીશો દ્વારા આગ પર કાબુ મેળવી લેવામાં આવ્યો હતો. આ દરમ્યાન ફાયર બ્રિગેડે ઘટના સ્થળે પહોંચી આગળની કાર્યવાહી હાથ ધરી હતી.
